टाटाको ‘योद्धा’ अब नेपाली बजारमा


टाटा मोटर्सको नेपालको एकमात्र आधिकारिक बिक्रेता सिप्रदी ट्रेडिङले योद्धा पिकअप नेपाली बजारमा ल्याएको छ।

बिहिबार राजधानीमा एक कार्यक्रम अायोजना गरी कम्पनीले उक्त गाडि बजारमा ल्याएको जानकारी दिएको हो ।

नेपालको सडकको लागि निकै उत्कृष्ट दाबी गरिएको यसको पिक अप ग्राउण्ड क्लियरेन्स २१० एमएम रहेको कम्पनीले बताएको छ ।

२० लाख ५० हजार रुपैयाँ  मूल्य निर्धारण गरिएको योद्धामा ८५ एचपीको ३.० लिटरको इञ्जिन छ जसले २५० एन.एम टर्क उत्सर्जन गर्छ। यसको अगाडि हाइड्रोलिक, ट्वीन पट क्यालिपर डिक्स ब्रेक र पछाडि ड्रम ब्रेक समावेश छ।

अधिक सुरक्षाको लागि फराकिलो १६ इञ्चको  टायर र आरामदायिक यात्राको लागि पिकअप अन्यको भन्दा फरक रहेको छ  ।  यसमा ३ जनाको लागि आरामदायिक सिट रहेको छ।

यसमा ड्युअल रिडिङको साथमा ट्रिप मिटर रहेको छ जसले गाडिको गति र यात्रा अवधिभरको रुटलाई सजिलै ट्रयाक गर्न सकिन्छ।

उक्त गाडि १० हजार किलोमिटर वा ६ महिनामा एक पटक सर्भिसिङ गरे पुग्ने र ग्रिजिङ गर्नु नपर्ने कम्पनीले दाबी गरेको छ।

४५ लिटर इन्धन क्षमता रहेको योद्धाको कम्पनीले ३ वर्ष वा ३ लाख किलोमिटरको वारेण्टी दिएको छ।

टाटा मोटर्स नेपालको नम्बर एक ब्राण्डको रुपमा चिनिएको र टाटा योद्धाले नेपालीहरूको अझै धेरै मन र विश्वास जित्नेमा आफू विश्वस्त रहेको टाटा मोटर्स लिमिटेडका कमर्सियल भइकल इण्टरनेशनल बिजनेश यूनिटका भाइस प्रेसिडेण्ट रुद्ररुप मैत्रीले बताए।

त्यसैगरी, उनले अबको ६ महिनाभित्र योद्धा प्ल्याटफर्म अन्तरर्गत नयाँ भेरिएण्ट थप्ने जानकारी दिए।

कार्यक्रममा बोल्दै सिप्रदी ट्रेडिङ प्रालिका अध्यक्ष एस जेबि रानाले टाटा योद्धा नेपाली सडकको लागि निकै उत्कृष्ट रहेकोले अत्यधिक रुचाइने दाबी गरे।

Share:

प्रतिकृया दिनुहोस

© 2017 Setopati Sanchar Pvt. Ltd.