नेपाली बजारमा महिन्द्राको नयाँ एसयुभी सार्वजनिक भएको छ। नेपालको लागि महिन्द्रा गाडीको आधिकारिक वितरक अग्नी इन्कर्पोरेटेड प्रा.लिले सोमबार एक्सयुभी-७०० सार्वजनिक गरेको हो। कम्पनीले उक्त एसयुभीको सुरुआती बजार मूल्य ७४ लाख तोकेको छ।
महिन्द्रा-७०० परिष्कृत डिजाइनमा तयार पारिएको छ। कम्पनीले यस गाडीले उत्साहजन प्रदर्शन गर्ने विश्वास राखेको छ। साथै, विश्वस्तरीय सुरक्षा विश्वस्तरीय सुरक्षा र साइफाई प्रविधियुक्त, पृथक एक्सयुभी-७०० ले तोकिएका मानकहरूलाई पुनपरिभाषित गर्नेमा कम्पनी सकारात्मक छ।
एक्सयुभी-७०० ले ग्लोबल एनसिएपीको दुर्घटना परीक्षणमा वयस्कहरूका लागि ५-स्टार र बच्चाका लागि ४-स्टार रेटिङ पाएको छ।
नेपालमा एक्सयुभी-७०० पाँच र सात सिट क्षमताको म्यानुअल र अटोमेटिक विकल्पसहितको पेट्रोल इन्जिनमा उपलब्ध हुने कम्पनीले जनाएको छ। एक्सयुभी-७०० भारतको सबैभन्दा प्रतिष्ठित ‘भारतीय कार अफ द इयर’ अवार्ड २०२२ को विजेता, र कुल ३१ पुरस्कारहरू विजेता सबैभन्दा सम्मानित कार हो।
एक्सयुभी-७०० ले नेपालको प्रिमियम एसयुभी सेगमेन्टमा नयाँ मानक स्थापित गरेको छ। एसयुभीमा १०.२५ इन्चको टचस्क्रीन इन्फोटेनमेन्ट सिस्टम र क्लस्टर, सिक्स वे पावर्ड ड्राइभर सिट र १२ सोनी स्पिकरसहितको क्लास लिडिङ म्युजिक सिस्टम प्रिमियम सुविधाहरू रहेको छ।
यसमा प्यानोरमिक सनरुफ र डुअल जोन क्लाइमेट कन्ट्रोल पनि छ। कम्पनीले नेपाली बजारको लागि एक्सयुभी-७०० एएक्सथ्री, एएक्स फाइभ र एएक्स सेभेन (लक्जरी प्याक) सहित तीन भेरियन्ट सार्वजनिक गरेको हो।
महिन्द्राले ३० वर्ष भन्दा बढीको सम्बन्धलाई सुदृढ गर्दै अग्नि इन्कर्पोरेटेडमार्फत एक्सयुभी-७०० सार्वजनिक गरेको हो।
एक्सयुभी-७०० ट्विन पिक्स ब्राण्डको एसयुभी सोरुमबाट उपलब्ध गराइनेछ। ग्राहकहरूको लागि कम्पनीले आजैबाट बुकिङ पनि खुला गरेको छ। कम्पनीका अनुसार सन् २०२३ को फेब्रुअरीदेखि यसले गाडी डेलिभरी पनि सुरू गर्नेछ।
