हुन्डाई मोटर्सको आधिकारिक वितरक लक्ष्मी इन्टरकन्टीनेन्टलले बहुप्रतिक्षित इलाइट आइ ट्वान्टी फेसलिफ्ट नेपालमा ल्याएको छ। हुन्डाईको सबैभन्दा रुचाइएको यो मोडलले आफ्नो फिचरहरुमा अपग्रेड गरी ल्याएको छ।
यो फेसलिफ्ट मोडल स्पोर्टस् र आस्ता भेरियन्टमा उपलव्ध छ।
यो फ्रन्ट ग्रील भएको क्यासकेड डिजाइनमा रहेको छ। यसको फग् एवं हेडल्याम्पहरुका साथै DRLs पनि अपग्रेड गरिएको छ।
यसको पछाडि पट्टि, लाइसेन्स प्लेट बम्परबाट टेलगेटमा सारिएको छ। बजारको हालको मागलाई मध्यनजर गरेर परिवर्तनहरुलाई झट्ट हेर्दा नदेखिने गरी बनाइएको छ, ताकि ब्राण्डको पहिलेदेखि रुचाइएको स्वरुप र प्रिमियम आवरणलाई उजार गर्न सकियोस्।
सुरक्षाको मापदण्ड अनुरुप एबिएस र एअरब्याग यसको दुइटै भेरियन्टमा उपलब्ध छ। आस्तामा स्टेरिङ अनुकुल पछाडि देखिने क्यामराको साथ पछाडिको लागि पार्किङ सेन्सर पनि छ। उत्कृष्ट र सफा डिस्प्लेको लागि अझ राम्रो टच् भएको यसको इन्फोटेन्मेन्ट सिस्टम ७ इन्चमा अपग्रेट भएको कम्पनीले जनाएको छ।
सन् २००९ मा स्थापित लक्ष्मी हुन्डाईले आफ्नो १३ डिलर र विभिन्न सर्भिस सेन्टर सहित देशभर पहुँच पुर्याएको छ।
-1746009348.jpg)
