सिप्रदी ट्रेडिङ्ग र टाटा मोटर्सले संयुक्त रुपमा अन्तर्राष्ट्रिय योग दिवस मनाएका छन्।
सिप्रदीको अगुवाइमा आयोजना भएको कार्यक्रमलाई सिप्रदीयन सहायता संस्था तथा टाटा मोटर्सले संयुक्त रुपमा सहयोग गरेका हुन्।
देशका प्रमुख शहरहरुमा गरिएको कार्यक्रममा सिप्रदी तथा टाटा मोर्टसका प्रतिनिधि, कर्मचारी, क्षेत्रीय प्रमुख, ग्राहकको सहभागिता रहेको
सिप्रदी ट्रेडिङ्गका निर्देशक शम्भु प्रसाद दाहालले बताए।
‘शरीर र मनलाई शान्त राख्ने योगा अध्यात्मिक तथा योगीक अनुशासनको लागि गरिने ब्यायाम हो’ उनले भने ‘योगाले मन, शरीर र आत्मालाई शान्त बनाउदँछ।’
विगत दुई वर्षदेखि सिप्रदीले आफ्नो कर्पाेरेट सामाजीक दायित्व बहन गर्ने संस्था सिप्रदीयन सहायता संस्था सँगै मिलेर अन्तर्राष्ट्रिय योग दिवस मनाउँदै आएको सिप्रदी ट्रेडिङ्गका प्रमुख कार्यकारी निर्देशक राजनबाबु श्रेष्ठले जानकारी दिए।
‘योगा भनेको खाली ब्यायाम गर्नु मात्र होइन, यो आफ्नो भित्री पहिचान खोज्ने तरिका पनि हो, प्रकृति र विश्वलाई चिन्ने अवसर पनि हो’ उनले भने ‘यसले हामीलाई स्वस्थ तथा समृद्घ बनाउनुको साथै हरेक दिन आनन्द र वर्तमानमा रहन सिकाउँदछ।’