सुजुकीका चार पाङ्ग्रे सवारी साधनको आधिकारिक विक्रेता सिजी मोटोकर्पले स्वीफ्टको तेस्रो संस्करण ‘द अल –न्यू स्वीफ्ट’ बजारमा ल्याएको छ।
नयाँ स्वीफ्ट सीजी होल्डिङ्सका सभापति तथा प्रबन्ध निर्देशक अरुण चौधरी तथा राष्ट्रिय क्रिकेट खेलाडी शक्ति गौचनले संयुक्त रुपमा सार्वजनिक गरे।
नयाँ स्वीफ्ट सार्वजनिक गर्दै सीजी होल्डिङ्सका सभापति तथा प्रबन्ध निर्देशक चौधरीले नयाँ फिचरहरुले भरिपूर्ण गाडीले उपभोक्तालाई निश्चित रुपमा उत्साहित गर्ने दावी गरे।
१.२ लिटरको भिभिटी इन्जिनको ‘द अल –न्यू स्वीफ्ट’ ले ४ हजार २०० आरपिएममा ११३ एनएम टर्क र ६००० आरपिएममा ६१ किलोवाट उच्च शक्ति उत्सर्जन गर्छ।
गाडीमा सिंगल एपर्चर फ्रन्ट ग्रील, एलइडि प्रोजेक्टर हेडल्याम्प, कट टु–टोन अलोए व्हील तथा अर्बन स्याटिन क्रोम युक्त इन्टेरियर रहेकोे छ।
सुरक्षाको लागि यसमा डबल एयरब्याग, इबिडीसँगै एबिएस, आईएसओ फिक्स र टोटल इफेक्टिभ कन्ट्रोल टेक्नोलोजी प्रविधि रहेको कम्पनीले जनाएको छ।
यसका फिचर्समा समय सान्दिर्भिक परिवर्तन गरिएकाले ग्राहकको रोजाइमा पर्ने सिजी मोटोकर्पका सिनियर मार्केटिङ म्यानेजर करुन शाक्यले दावी गरे।
नयाँ स्वीफ्ट सुजुकीको पाँचौ संस्करण हर्टेक्ट प्ल्याटफर्ममा निर्माण गरिएको कम्पनीले जनाएको छ। यसले २२ किलोमिटर माइलेज दिने कम्पनीको दावी छ।
कम्पनीले यसको मूल्य भिएक्सआई भेरिएन्टको २८ लाख ९९ हजार र जेडआइएक्स भेरिएन्टको ३१ लाख ९९ हजार निर्धारण गरिएको छ।