नाडा एसोसिएसनले सामाजिक उत्तरदायित्वअन्तर्गत अन्तर्गत महानगरीय प्रहरी वृत्तलाई एक मोटरसाइकल प्रदान गरेको छ।
आइएमइ अटोमोटिभ्स प्रालिबाट प्राप्त यूएम कमाण्डो २३० सिसी मोटरसाइकल नाडाका अध्यक्ष अन्जन श्रेष्ठले महानगरिय प्रहरी बृत्त सिंह्हदरबारका प्रहरी उपरिक्षक रामदत्त जोशीलाई हस्तान्तरण गरे।
प्रत्येक वर्ष भृकुटी मण्डप परिसरमा आयोजना हुँदै आएको नाडा अटो शोको शान्ति शुरक्षा तथा ट्राफिक व्यवस्थापनमा प्राप्त सहयोगप्रति आभार प्रकट गर्दै मोटरसाइकल प्रदान गरिएको नाडाले जनाएको छ।
यसले नाडा र प्रहरी संगठनबीच पारस्परिक सहयोगको सम्बन्ध विस्तार हुने एसोसिएसनले विश्वास जनाएको छ।
उक्त कार्यक्रममा नाडाका पुर्व अध्यक्ष सौर्य राणा, महासचिव कृष्णप्रसाद दुलाल, सचिव दीपककाजी तुलाधर कोषाध्यक्ष सुनिल रिजाल लगायतको उपस्थिति थियो।
