बजारमा सुकेको प्याजको भाउ स्थिर छ।
कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
समितिको तथ्यांक अनुसार मंगलबार कालीमाटी बजारमा प्याज प्रतिकिलो थोक मूल्य ३६ देखि ३८ रूपैयाँमा कारोबार भइरहेको छ।
यो मूल्य आइतबारदेखि नै कायम छ।
बजारमा शनिबार प्याज प्रतिकिलो थोक मूल्य ३२ देखि ३८ रूपैयाँमा कारोबार भएको थियो।
१५ दिनअघि बजारमा सुकेको प्याजको भाउ प्रतिकिलो थोक मूल्य ४१ देखि ४३ रूपैयाँ थियो।
पछिल्लो समय बजारमा प्याजको भाउ घटिरहेको छ। आपूर्तिका आधारमा प्याजको भाउ घटबढ हुन्छ।
अहिले नेपाली प्याज पनि आउन थालेको छ।
भारतीय बजारमा प्याजको मूल्य घटबढ हुँदा यहाँ पनि मूल्य घटबढ हुने व्यवसायीहरूको भनाइ छ।
थोक मूल्य घटेसँगै बजारमा प्याजको खुद्रा मूल्य पनि घटेको छ।
