बजारमा गोलभेँडाको मूल्य बढेको छ।
कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
तथ्यांक हेर्दा बजारमा गोलभेँडा ठूलो भारतीय, लोकल सानो र तराइ सानो गरी तीन प्रकारको आउँछ।
ती मध्ये ठूलो गोलभेँडा होटल तथा रेष्टुरेन्टमा सलादमा प्रयोग हुन्छ भने साना गोलभेँडा दैनिक रूपमा खानामा प्रयोग हुन्छ।
सोमबार भारतीय ठूलो गोलभेँडा प्रतिथोक मूल्य ६०, लोकल सानो गोलभेँडा २५ र तराइ सानो गोलभेँडा ४० रूपैयाँमा कारोबार भएको छ।
यो मूल्य एक साताअघिको तुलनामा प्रतिकिलो पाँचदेखि दश रूपैयाँ बढी हो।
एक साताअघि कालीमाटी बजारमा भारतीय ठूलो गोलभेँडा प्रतिथोक मूल्य ५०, लोकल सानो गोलभेँडा २० र तराइ सानो गोलभेँडा ३० रूपैयाँमा कारोबार भइरहेको थियो।
गोलभेँडाको मूल्य माग र आपूर्तिका आधारमा घटबढ हुन्छ।
बजारमा बढी मात्रामा गोलभेँडा आएको छ भने मूल्य कम हुन्छ। त्यस्तै, थोरै मात्रमा आएको छ भने मूल्य बढ्छ।
