काठमाडौंको बत्तीसपुतलीमा सिग्नेचर हेयर एण्ड ब्युटी लञ्ज एकेडेमी सञ्चालनमा आएको छ।
बेलायत निवासी ब्युटिसियन दुर्गा घलेले शनिबारदेखि बत्तीसपुतलीमा हेयर एण्ड ब्युटी लञ्ज एकेडेमी सञ्चालनमा ल्याएकी हुन्।
एकेडेमीको उद्घाटन उपसभामुख इन्दिरा राना र नेपालको पहिलो ब्युटिसियन कमला श्रेष्ठले संयुक्त रुपमा गरे।
उद्घाटन समारोहमा उपसभामुख रानाले आफ्नै देशमा केही गर्नु सह्रानीय भएको बताइन्। ‘लण्डनको सीप र पुँजी यहाँ ल्याएर त्यही गुणस्तरमा सेवा दिने जमर्का गर्नु खुसीको कुरा हो । अझै मेहनत गर्नुस्,’ उनले शुभकामना दिइन् ।
नेपालको पहिलो ब्युटिसियन श्रेष्ठले लण्डनबाट मातृभूमि फर्केर ब्युटिसियन उद्यमलाई निरन्तरता दिँदा गर्व लागेको बताइन्। उनले बेलायतको अनुभव नेपालका नयाँ पुस्तलाई उपयोगी हुने विश्वास व्यक्त गरिन्।
काठमाडौं वडा नम्बर ९ का वडासदस्य श्रीराम राईले लण्डनबाट सीप सिकाउने, रोजगार सिर्जना गर्ने उद्देश्यले एकेडेमी सञ्चालन हुनु खुसीको कुरा भएको बताए ।
‘लण्डनमा केही कमी थिएन, तर देशमा केही गर्नुपर्छ, सिकाउनुपर्छ भनेर आउनु खुसीको कुरा हो । आफ्नो कला, कौशलता, परिश्रम, प्रतिभा लिएर आउनुभएको छ । नेपालमा केही गर्न सकिन्छ भन्ने सन्देश ल्याउनुभएको छ,’ उनले भने, ‘एकेडेमीले रोजगारको सिर्जना हुन्छ । काम सिक्ने र जान्ने अवसर हुन्छ । वडाको सधै सहयोग र हात रहनेछ ।’
उद्घाटन समारोहमा कलाकारहरु, विभिन्न क्षेत्रका प्रतिष्ठित व्यक्ति र सौन्दर्य क्षेत्रका हस्तीहरुको उपस्थिति थियो ।
-copy-1745411477.jpg)
-1746009348.jpg)
