भीक्टोरियाका लागि अवैतनिक नेपाली महावाणिज्यदूत चन्द्र योन्जनले मेलवर्नमा बन्ने सामुदायिक केन्द्रका लागि १ लाख डलर सहयोग गर्ने घोषणा गरेका छन्।
यसअघि योन्जनले ५० हजार डलर प्रतिबद्धता गरे पनि १ लाख डलर सहयोग गर्ने घोषणा गरेका हुन्। सामूदायिक केन्द्र बनाउन मेलबर्नमा आयोजना गरिएको सप्ताहको तेस्रो दिन योन्जनले यस्तो घोषणा गरेका हुन्।
सप्ताहमा गएको ३ दिनमा २ लाख डलरभन्दा बढी सहयोग रकमको प्रतिबद्धता आइसकेको सप्ताह आयोजक अष्ट्रेलियन नेप्लिज मल्टिकल्चरल सेन्टर मेलबर्नका अध्यक्ष डा. चन्द्र दीपक पोखरेलले सेतोपाटीलाई बताए।
