अमेरिकाको राष्ट्रपतिका लागि स्वतन्त्र उम्मेदवार रोबर्ट एफ केनेडी जुनियरले उम्मेदवारी फिर्ता लिएका छन्।
शुक्रबार अमेरिकाको एरिजोनामा आयोजित चुनावी र्यालीमा एउटै मञ्च साझा गर्दै केनेडीले ट्रम्पलाई समर्थन गर्दै आफ्नो उम्मेदवारी फिर्ता लिएको घोषणा गरेका हुन्।
उनी अमेरिकी सिनेटर रोबर्ट एफ केनेडीका छोरा र पूर्वराष्ट्रपति जोन एफ केनेडीका भतिजा हुन्।
उनी डेमोक्र्याटिककै पूर्वनेता समेत हुन्। विचारमा मतभेद भएपछि उनले पार्टी छाडेका थिए।
पार्टी छाड्नका लागि प्रेरित गरेका कुराहरूकै कारण ट्रम्पलाई समर्थन गर्न बाध्य पारेको केनेडीले बताएका छन्।
डेमोक्र्याटिक उम्मेदवार कमला ह्यारिसले यसअघि केनेडीको समर्थकबाट पनि भोट प्राप्त हुने गरी पहल गर्ने बताएकी थिइन्।
शुक्रबार नै सिकागोमा भएको चुनावी सम्बोधनमा ह्यारिसले राष्ट्रपतिको उम्मेदवारी स्वीकार गर्दै ट्रम्पलाई मतदान नगर्न अपील गरेकी थिइन्।
ह्यारिसलाई पूर्वराष्ट्रपति बाराक ओबामा लगायतको समर्थन छ।
