रूसको एक ब्यापारिक भवनमा आगलागी, कम्तिमा ३७ को मृत्यु


रूसमा एक ब्यापारिक भवनमा आगलागी हुँदा कम्तिमा ३७ जनाको मृत्यु भएको अन्तर्राष्ट्रिय सञ्चारमाध्यमहरूले जनाएका छन्।

साइबेरियाको केमेरोफोस्थित एक शपिङ सेन्टरमा सोमबार भएको आगलागीमा केही व्यक्ति हराइरेहको बिबिसीले जनाएको छ।

विन्टर चेरी मलको चौथो तलाबाट आगो सल्किएको थियो। भवनमा मनोरञ्जन कम्प्लेक्स, सिनेमा हललगायत रहेको थियो ।

मारिनेमा धेरेजसो सिनेमा हलका दर्शक रहेको बताइएको छ।

राजधानी मस्कोदेखि २२ सय माइल टाढा उक्त शहर कोइला उत्पादनका लागि प्रसिद्ध मानिन्छ।

स्थानीयबासीका अनुसार सन् २०१३ मा बनाइएको यो शपिङ मल निकै चर्चित छ । यसमा एक सानो चिडियाघर पनि छ ।

आगलागीका कारण खुलेको छैन । रुसको चाँच समितिले यसलाई आपराधिक क्रियाकलाप हुनसक्ने आशंका गर्दै अनुसन्धान शुरु गरेको बीबीसीले जनाएको छ ।

Share:

© 2017 Setopati Sanchar Pvt. Ltd.