दुई काेरियाकाे बीचमा अाज उच्चस्तरीय वार्ता

पछिल्लाे दुई वर्षमा पहिलाेपटक वार्ता हुँदै


दुई काेरियाली राष्ट्रहरूकाे बीचमा अाज (मंगलबार) उच्चस्तरीय वार्ता हुँदैछ। उत्तर कोरिया र दक्षिण कोरियाबीच स्थानीय समयअनुसार बिहान १० बजे उच्चस्तरीय वार्ता हुन लागेको हो। पछिल्लाे दुई वर्षमा यी दुई देशबीच पहिलाेपटक वार्ता हुन लागेकाे हाे।

दक्षिण कोरियाको प्रस्तावमा दुई देशबीचको सीमा क्षेत्रमा वार्ता हुने तय भएको हो। नयाँ वर्षको शुभकामना सन्देश दिने क्रममा उत्तर कोरियाका नेता किम जोङ उनले दक्षिण कोरियासँग सम्बन्ध सुधार गर्न चाहेको संकेत गर्दै आउँदो फेब्रुअरीमा सिओलमा हुने विन्टर ओलम्पिकमा आफ्नो देशका खेलाडी सहभागी गराउन तयार रहेको बताएका थिए।

त्यसपछि दक्षिण कोरियाले विन्टर ओलम्पिकमा उत्तर कोरियाका खेलाडीको सहभागिताको विषयमा कुरा  गर्न उच्चस्तरीय वार्ताको प्रस्ताव गरेको थियो। वार्ता प्रस्ताव उत्तर कोरियाले स्वीकार गरेसँगै पछिल्लो दुई वर्षमा यी दुई मुलुकबीच पहिलो पटक वार्ता हुन लागेको हो।

वार्ताले दुई कोरियाबीचको सम्बन्धमा  नयाँपन भित्रिने स‌ंकेत गरिएको छ।

Share:

© 2017 Setopati Sanchar Pvt. Ltd.