तराईका १२ जिल्लामा पनि एमाले अगाडि, कांग्रेस–माओवादीको भन्दा एमालेको बढी

तराईका १२ जिल्लामा पनि एमाले अगाडि, कांग्रेस–माओवादीको भन्दा एमालेको बढी


दोस्रो चरणमा निर्वाचन भएका तराईका १२ जिल्लाका दुईतिहाइभन्दा बढी तह एमाले–कांग्रेसले जितेका छन् । १ सय ३० मध्ये शुक्रबारसम्म १ सय २६ तहको नतिजा सार्वजनिक हुँदा एमाले–कांग्रेसले मात्रै ९७ तहमा प्रमुख जितेका छन् । एमालेले ५६ तह जितेर पहिलो शक्ति बनेको छ भने कांग्रेसले ४१ तह जितेको छ । यो खबर आजको नयाँ पत्रिकाबाट लिएका हौ।

परिणाम आउन बाँकी रहेका ४ तहमध्ये मोरङको विराटनगर महानगरपालिका, र कैलालीको धनगढी नगरपालिकामा कांग्रेस र झापाको अर्जुनधारा र कञ्चनपुरको पुनर्वासमा एमालेले अग्रता लिइरहेका छन् ।

माओवादी केन्द्रले १२ वटा तह जितेर तराईका जिल्लामा पनि तेस्रो स्थान सुरक्षित बनाएको छ। संघीय फोरम र नयाँ शक्तिको गठबन्धनले ८ तह जितेका छन् भने लोकतान्त्रिक फोरमले ६ तह जितेको छ । राप्रपाले ४ तह, स्वतन्त्र उम्मेदवारले ३ तह जितेका छन् । स्वतन्त्रबाट विजयी निर्वाचन बहिष्कार गरेको राजपाका कार्यकर्ता हुन् ।

कांग्रेस–माओवादीको भन्दा एमालेको बढी

तराईका १२ जिल्लाको नतिजाअनुसार कांग्रेस–माओवादीको भन्दा एमालेले बढी तह जितेको छ । कांग्रेस र माओवादी केन्द्रले स्थानीय तहको प्रमुख जितेको सिट जोड्दा ५३ हुन्छ । तर, एमाले एक्लैले ५६ स्थानमा प्रमुख पद जितेको छ ।

प्रदेश नं. १ मा एमाले–कांग्रेसबीच प्रतिस्पर्धा

प्रदेश नम्बर १ का तराईका चार जिल्लामा एमालेले १९, कांग्रेसले २० तहमा प्रमुख पद जितेका छन् । माओवादी केन्द्रको भने २ तहमा मात्र प्रमुख पदमा जित दर्ता गराएको छ । झापाका १५ तहमध्ये एमालेले ६, कांग्रेसले ५ र राप्रपाले ३ तह जितेका छन् । बाँकी एकमा एमालेले अग्रता लिएको छ। मोरङका १७ तहमध्ये कांग्रेसले ८, एमालेले ५, माओवादी केन्द्रले १, नयाँ शक्ति र संघीय फोरम गठबन्धनले १ तथा लोकतान्त्रिक फोरमले १ तहको प्रमुख जितेका छन् । मतगणना जारी रहेको विराटनगर महानगरपालिकामा कांग्रेसको अग्रता छ ।

सुनसरीका १२ तहमध्ये कांग्रेसले ६, एमालेले २, नयाँ शक्ति–संघीय फोरमले १ र लोकतान्त्रिक फोरमले २ तहको प्रमुख पद जितेका छन् । मतगणना जारी रहेको धरान उपमहानगरमा एमालेले अग्रता लिइरहेको छ । उदयपुरका ७ स्थानीय तहमध्ये एमालेले ६ र कांग्रेसले १ स्थानीय तह जितेका छन् ।

प्रदेश नं. ५ मा एमाले बलियो

प्रदेश नं. ५ स्थित तराईका ६ जिल्लामा एमालेले कांग्रेसको भन्दा झन्डै दोब्बर तहमा जितेको छ । एमालेले २२ र कांग्रेसले १२ तहमा प्रमुख जितेका हुन् । माओवादी केन्द्रले ६ तहमा जितेको छ ।

दाङका १० स्थानीय तहमध्ये एमालेले ६, कांग्रेसले ३ र माओवादी केन्द्रले १ तहको प्रमुख पद जितेका छन् । त्यस्तै, रूपन्देहीका १६ तहमा एमालेले ७, कांग्रेसले २, माओवादी केन्द्रले १ तथा नयाँ शक्ति–संघीय फोरमले ४ र लोकतान्त्रिक फोरम र राजपाका स्वतन्त्र उम्मेदवारले १–१ तह जितेका छन्।

त्यस्तै, नवलपरासीका ७ तहमध्ये कांग्रेसले ३, एमालेले २ तथा माओवादी केन्द्र र लोकतान्त्रिक फोरमले १–१ तह जितेका छन् । बाँकेका ८ स्थानीय तहमध्ये एमालेले ४, कांग्रेसले २, राप्रपा र समाजवादी फोरमले १–१ तह जितेका छन् । बर्दियाका ८ तहमध्ये एमालेले ३, माओवादी केन्द्रले ३ र कांग्रेसले २ तह जितेका छन् ।

प्रदेश नं. ७ मा कांग्रेस–माओवादी बराबर

प्रदेश नं. ७ स्थिति कैलाली र कञ्चनपुरमा एमाले एक्लैले ११ तहका प्रमुख जितेको छ भने कांग्रेस र माओवादी केन्द्रले बराबर २–२ तहका प्रमुख जितेका छन् । कैलालीका १३ मध्ये एमालेले ७, कांग्रेस र माओवादी केन्द्रले २–२, लोकतान्त्रिक फोरमले १ तहमा प्रमुख जितेका छन् । मतगणना जारी रहेको धनगढी उपमहानगरपालिकामा कांग्रेसको अग्रता छ ।

त्यस्तै, कञ्चनपुरको ९ तहमध्ये एमालेले ४, कांग्रेस र माओवादीले २–२ तहमा प्रमुख पद जितेका छन् । पुनर्वास नगरपालिकामा एमालेको अग्रता छ।

कुन दलले कहाँ जिते ?

एमाले – झापा: कन्काई, दमक, बिर्तामोड, कमल, भद्रपुर, शिवसताक्षी,

मोरङ: कानेपोखरी, ग्रामाथान, पथरी–शनिश्चरे, बेलबारी र मिक्लाजुङ, सुनसरी: इटहरी, बराह, उदयपुर: उदयपुरगढी, कटारी, रौतामाई, ताप्ली, त्रियुगा, बेलका, दाङ: गढवा, घोराही, तुल्सीपुर, दंगीशरण, बबई, लमही, रुपन्देही: बुटवल, कञ्चन, तिलोत्तमा, शुद्धोदन, सिद्धार्थनगर, सियारी, सैनामैना, नवलपरासी: सुस्ता, बर्दघाट, कपिलवस्तु: विजयनगर, शिवराज, बाँके: कोहलपुर, खजुरा, जानकारी र बैजनाथ, बर्दिया: ठाकुरबाबा, बढैयाताल, बाँसगढी, कैलाली: गोदावरी, गौरीगंगा, घोडाघोडी, चुरे, टीकापुर, मोहन्याल, लम्की, कञ्चनपुर: कृष्णपुर, बेलडाँडी, भीमदत्त, वेदकोट ।

कांग्रेस – झापा: मेचीनगर, गौरादह, झापा, बाह्रदशी, बुद्धशान्ति, मोरङ: उर्लाबारी, कटहरी, केराबारी, रतुवामाई, लेटाङ, सुनवर्षी, सुन्दरहरैँचा र धनपालथान। सुनसरी: इनरुवा, कोसी, गढी, देवानगन्ज, रामधुनी, हरिनगर, उदयपुर: चौदन्डीगढी, दाङ: राजपुर, राप्ती र शान्तिनगर, रूपन्देही: देवदह, मायादेवी, नवलपरासी: प्रतापपुर, रामग्राम र सुनवल, कपिलवस्तु: कपिलवस्तु, वाणगंगा, बुद्धभूमि, महाराजगन्ज, यशोधरा, बाँके: डुडुवा, राप्ती सोनारी, बर्दिया: गुलरिया, गेरुवा, कैलाली: जोशीपुर, बर्दगोरिया, कञ्चनपुर: महाकाली, शुक्लाफाँट

माओवादी केन्द्र– मोरङ: रंगेली, उदयपुर: सुनकोसी, दाङ: बंगलाचुली, रुपन्देही: ओमसतिया, नवलपरासी: पाल्हीनन्दन, बर्दिया: बारबर्दिया, मधुवन र राजापुर, कैलाली: कैलारी र भजनी, कञ्चनपुर: बेलौरी, लालझाँडी

नयाँ शक्ति–संघीय फोरम– मोरङ: जहदा गाउँपालिका, सुनसरी: झोक्राह, रूपन्देही: कोटहीमाई, गैडहवा, मर्चवारी, रोहिणी, कपिलवस्तु: मायादेवी, बाँके (१): नरैनापुर

फोरम लोकतान्त्रिक– मोरङ: बुढीगंगा, सुनसरी: दुहवी, बर्जु, रुपन्देही: सम्मरीमाई, नवलपरासी: सरावल

कैलाली: जानकी

राप्रपाले प्रमुख जितेको तह

झापा (३): कचनकवल, गौरीगन्ज र हल्दिबारी

बाँके (१): नेपालगन्ज उपमहानगर

स्वतन्त्रले प्रमुख जितेको तह

रुपन्देही (१): लुम्बिनी सांस्कृतिक नगर

कपिलवस्तु (२): कृष्णनगर, शुद्धोदन

Share:

प्रतिकृया दिनुहोस

© 2017 Setopati Sanchar Pvt. Ltd.