सप्तरीको शम्भुनाथ नगरपालिकाको मेयर र उपमेयर नेकपा एकीकृत समाजवादीले जितेको छ।
एकीकृत समाजवादीका उम्मेदवार जितेन्द्रप्रसाद गुप्ता कलवारले मेयर जितेका हुन्। उनले ५३९२ मत ल्याएका छन्।
यहाँ मेयरमा नेपाली कांग्रेसका उम्मेदवार दीपेन्द्रकुमार चौधरी पराजित भए। उनले ४१४३ मत ल्याएका थिए।
उपमेयर पनि एकीकृत समाजवादीले जितेको छ।
एकीकृत समाजवादीकी उम्मेदवार अनिताकुमारी चौधरीले उपमेयर जितेकी हुन्। उनले ४९९८ मत ल्याएकी छन्।
उपमेयरमा कांग्रेसकी कल्पनाकुमारी सरदार पराजित भइन्। उनले ४२७१ मत ल्याएकी छन्।
०७४ को निर्वाचनमा यहाँ कांग्रेसले जितेको थियो।
