चितवनको भरतपुर महानगरपालिकाको वडा नम्बर ७ मा नेकपा एकीकृत समाजवादीका राजेन्द्र मणि काफ्ले विजयी भएका छन्।
२०७४ सालको स्थानीय चुनावमा नेकपा एमालेबाट निर्वाचित काफ्लेले नेकपा एमालेका सनतकुमार लामिछानेलाई हराएका हुन्।
लामिछानेले १६३५ मत पाउँदा काफ्लेले १८०८ मत पाएर विजयी भए।
वडा नम्बर ७ को नजिता आएसँगै गठबन्धनकी संयुक्त उम्मेदवार रेनु दाहालले मेयरमा २५२८ मतले अग्रता लिइन्।
दाहालले १२७६९ मत पाउँदा एमालेका विजय सुवेदीले १०२४१ मत पाएका छन्।
यस्तै उपमेयरमा नेपाली कांग्रेसका चित्रशेन अधिकारीले १५ हजार २६ मत पाएर अग्रता लिएका छन्।
उनलाई राप्रा र एमालेका संयुक्त उम्मेदवार हिमला गुरूङले ८३११ मत पाएका छन्।
