रौतहट क्षेत्र नम्बर २ मा चापाकल चिह्न लिएर स्वतन्त्र उम्मेदवारी दिएका किरणकुमार साह विजयी भएका छन्।
आफ्ना निकट प्रतिस्पर्धी नेपाली कांग्रेसका मोहम्मद फिरदोस आलमलाई झन्डै साढे चार हजार मतले हराउँदै साह विजयी भएका हुन्। फिरदोस आलम कांग्रेस नेता अफताव आलमका छोरा हुन्।
अन्तिम मतपरिणामअनुसार स्वतन्त्र उम्मेदवार साहले ३२८४२ मत ल्याएका छन् भने कांग्रेसका आलमले २८२४८ मत ल्याएका छन्। उनीहरूको मत अन्तर ४५९४ छ।
यहाँ यी दुई जनाबाहेक अरू उम्मेदवारको मत एकदमै कम छ।
जनता समाजवादी पार्टीका शैलेन्द्र शाहले २१२२ र जनमत पार्टीका रामयस झाले १००४ मत मात्र ल्याएका छन्।
