गायिका रचना रिमालले आमाप्रति समर्पित गर्दै गीत सार्वजनिक गरेकी छिन्।
मातातीर्थ औंसीको दुई दिनअघि शुक्रबार उनले 'आमा' बोलको गीत ल्याएकी हुन्।
यो गीत सम्पूर्ण आमाहरूप्रति समर्पित रहेको उनले बताएकी छन्।
गीतमा सन्तानको सुखको लागि आमाले गर्ने समर्पणको वयान गरिएको छ। यसको शब्द दीपक शर्मा र अनिश विष्टले लेखेका हुन्। संगीत दीपक शर्माको छ भने पुरूषोत्तम सुवेदीले संगीत संयोजनको काम गरेका छन्।
भिडिओमा रचना स्वयं फिचर्ड छिन्।
अनित विष्टको निर्देशक रहेको भिडिओमा सुरज धामीको छायांकन, सविन सापकोटाको सम्पादन छ।
रचनाको कुरा गर्दा उनी पछिल्लो पुस्ताकी चर्चित गायिका हुन्। स्टेज र रेकर्डिङमा उनी व्यस्त छिन्।
