नेपाल सरकारका अधिकृत समेत रहेका गायक श्याम राउतले 'फूलको रंग' बोलको गीत ल्याएका छन्।
रोमान्टिक शैलीमा तयार प्रेमिल गीतमा गायक श्यामलाई स्वरमा गायिका मिरा राउतले साथ दिएकी छन्।
लोकप्रिय संगीतकार अर्जुन पोखरेलको संगीतमा तयार गीतका शब्द गीतकार दयाराम पाण्डेले कोरेका हुन्। एरेन्ज महाराज थापाको छ।
एउटा प्रेमीले प्रेमीको सौन्दर्यको वर्णन गरेको गीतको भिडिओमा मोडल प्रभात पल ठकुरी र उषा उप्रेती फिचर्ड छन्। यी दुईलाई रोमान्टिक जोडीका रूपमा भिडिओमा प्रस्तुत गरिएको छ।
भिडिओको निर्देशन विक्रम स्वारले गरेका हुन्। उत्सव दाहालको छायांकन रहेको भिडियोमा प्रविन भट्टको सम्पादन छ।
गायक श्याम राउत नेपाल सरकारका निजामती सेवाका अधिकृत हुन्। उनले भारतको इलाहाबादबाट क्लासिकल संगीत सिकेका छन्। गायिका मिराले पनि इलाहाबादबाट क्लासिकल संगीत सिकेकी हुन्।
'फूलको रंग' को भिडिओ बुढासुब्बा डिजिटलको युट्युबबाट सार्वजनिक गरिएको हो।
भिडिओः
