सामाजिक कथामा निर्माण गरिएको गीति भिडिओ 'भुल्नै गाह्रो भो' सार्वजनिक गरिएको छ।
सुदूरपश्चिम प्रदेशका विभिन्न क्षेत्रहरूसहित भारतमा समेत छायांकन गरिएको भिडिओमा सनम कठायत र पवित्रा साँकीको अभिनय छ।
गीतमा स्वर गायक उमेश मुस्कान र गायिका अनु चौधरीको छ। शब्द तथा संगीत पनि गायक मुस्कान स्वयंको हो। विशाल निरौलाले एरेन्ज गरेका छन्। वैदेशिक रोजगारीको परिवेशमा रहेर निर्माण गरिएको भिडिओमा एक दम्पत्तिको विछोडको कथा देखाइएको छ।
मोडल कठायनले भिडिओमा वास्तविक सामाजिक कथा देखाइएको बताए।
विशाल सुनारको प्रस्तुति रहेको भिडिओ जनक सिंहले निर्देशन गरेका हुन्। मोडल कठायत स्वयंकै कथा रहेको भिडिओमा दीपक गिरीको छायांकन, अमृत चापागाईंको सम्पादन छ।
एभरेष्ट ग्यालरी युट्युबमार्फत भिडिओ सार्वजनिक गरिएको हो।
