शुक्रबार वैवाहिक जीवनमा बाँधिएकी गायिका स्मिता दाहाललाई बधाई दिन नेतादेखि कलाकारसम्म पुगेका छन्।
काठमाडौं मुलपानीस्थित ग्राण्ड नर्लिङ रिसोर्टमा स्मिताले प्रेमी सायुज्य श्रेष्ठसँग लगनगाँठो कसेकी छन्। आयोजित समारोहमा नेकपा एकीकृत समाजवादीका अध्यक्ष माधवकुमार नेपाल, माओवादी केन्द्रका उप–महासचिव जनार्दन शर्मा लगायत पुगेका छन्।
स्मिता पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ’प्रचण्ड’ की नातिनी समेत हुन्।
अभिनेता हरिवंश आचार्य, किरण केसी, जितु नेपाल, शिव श्रेष्ठ, सन्दीप क्षेत्री लगायतका कलाकारहरू पनि विवाहमा सहभागी भएर स्मिता र सायुज्यलाई बधाई तथा शुभकामना दिएका छन्।
सानैदेखि सांगीतिक क्षेत्रमा रूची राख्ने स्मिताका 'मायालु तिमी कता छौ', 'कल्लाइ था छैन' जस्ता गीत चर्चित छन्। सायुज्य र उनी कलेजदेखि नजिकिएका थिए।
