गायक तथा सर्जक नरेश खातीले 'तिम्लाई नै सताउने हो' बोलको प्रेमगीत स्रोता/दर्शकमाझ ल्याएका छन्।
खातीकै शब्द तथा संगीत रहेको गीतमा उनलाई गायिका अन्नु चौधरीले स्वरमा साथ दिएकी छन्। गीत विशाल निरौलाले एरेन्ज गरेका हुन्।
रोमान्टिक गीतको भिडिओमा गायक नरेश खाती र मोडल उषा उप्रेती फिचर्ड छन्।
'यो विसुद्ध मायाप्रेममा आधारित गीत हो। प्रेमी प्रेमीका एकअर्कासँग जति रिसाए पनि, जति झगडा गरे पनि जिन्दगी संगै कटाउने हो भन्ने भाव यसले बोकेको छ,' गायक, सर्जक तथा मोडल नरेश खातीले भने, 'लोक, आधुनिक शैलीको गीतलाई पक्कै माया गर्नुहुनेछ भन्ने आशा छ।'
गीतको भिडिओ विनोद भण्डारीले निर्देशन गरेका हुन्। यसमा दिनेश पराजुलीको छायांकन, मनोज कार्कीको सम्पादन छ।
'मेक्सम नरेश अफिसियल' युट्युब च्यानलबाट भिडिओ सार्वजनिक भएको हो।
भिडिओ:
