राजन अधिकारीको शब्द एवं संगीतमा 'आकाशको जून धर्तीमा' बोलको गीत सार्वजनिक भएको छ।
शुक्रबार सार्वजनिक गीतमा प्रेमिल जोडीले एकअर्कालाई ब्यक्त गरेको भावनालाई प्रस्तुत गरिएको छ।
फूलै फिक्का भो, जूनै फिक्का भो
यी दुई आँखा तिम्लाई नै हेर्दा ठिक्क भो
आकाशको जून धर्तीमा, फ्यानै भएँ तिमीप्रति म
यसमा राजनसँगै अस्मिता अधिकारी र बाबुराम भट्टराईको स्वर छ। श्यामश्वेत रसाईलीले गीतलाई एरेन्ज गरेका छन्।
डान्सिङ नम्बरको गीत लोक–आधुनिक शैलीमा छ।
भिडिओमा मोडल गरिमा शर्मा र अस्मिक लम्साल फिचर्ड छन्।
काजिश श्रेष्ठको कोरियोग्राफी एवं निर्देशन रहेको भिडिओलाई बुद्ध थापाले छायांकन, दिपक विष्टले सम्पादन गरेका हुन्। ‘बाबु क्रियशन’ युट्युब च्यानलमा भिडिओ सार्वजनिक छ।
