नेपालको चर्चित र लोकप्रिय रक ब्यान्ड '१९७४ एडी' ले आफ्नो ३० वर्षे वार्षिक उत्सवमा नयाँ गीत ल्याएको छ।
शुक्रबार नयाँ वर्ष २०८१ को पूर्व-सन्ध्यामा ब्यान्डले आफ्नै युट्युब च्यानलमार्फत 'हजार सपना' गीत सार्वजनिक गरेको हो।
यस गीतमा गायक फिरोज स्याङ्देन र एड्रियन प्रधानले आवाज दिएका छन्। गीतको रचना अनुप पहरीले र मनोज कुमार केसीले गरेका हुन्।
केही समयअघि १९७४ एडी ब्यान्डमा पुराना सदस्यहरू रियुनाइटेड भएसँगै १०औ एल्बम 'निरन्तरता' सार्वजनिक गरेको थियो।
यसअघि हजार सपना, टाइम आउट, सम्झी बस्छु, शताब्दी, जंगी निशान, पिजडाको सुगा, लगायत एल्बम ल्याइसकेको छ।
