गायक तुलसी सिवाकोटीको नयाँ गीत 'काठमाडौंमा' विमोचन गरिएको छ।
मंगलबार काठमाडौंमा आयोजित एक कार्यक्रमबीच राष्ट्रिय प्रजातन्त्र पार्टीका अध्यक्ष राजेन्द्र लिङ्देन, साहित्यकार रामबाबू सुवेदी, संगीतकार संघ नेपालका अध्यक्ष चेतन सापकोटाले सयुक्त रूपमा गीतको विमोचन गरेका हुन्।
लामो समयदेखि युरोपमा बस्दै आएका गायक सिवाकोटीको गीत 'काठमाडौंमा' शब्द तथा संगीत दीपक शर्माको रहेको छ भने नरेन्द्र वियोगीले गीतलाई एरेन्ज गरेका हुन्।
सुदुरपश्चिम र कर्णालीबाट काठमाडौंको जीवन शैलीलाई नियाल्न खोजिएको गीतमा नेपाली ठेट शब्द र लयलाइ प्रयोग गरिएको छ।
प्रहिल कार्कीले निर्देशन गरेको म्युजिक भिडिओमा गायक तुलसी सिवाकोटी र रोशनी कार्कीको अभिनय छ।
उत्तम हुमागाईंले छायांकन गरेको गीतको भिडिओलाई माधव बेल्बासेले सम्पादन गरेका हुन्। यो गीत तुलसी सिवाकोटीको अफिसियल युट्युब च्यानलमार्फत सार्वजनिक गरिएको हो।
