रेखा थापा निर्मित तथा अभिनीत फिल्म 'उपहार' को 'खाडीमा भेटौंला' बोलको गीत सार्वजनिक भएको छ।
प्रदर्शनरत फिल्मको गीत मंगलबार ओएसआर डिजिटल युट्युब च्यानलमार्फत सार्वजनिक गरिएको हो। गीतको भिडिओमा रेखा थापा, मुकुन भुषाल र राइडर प्रशान्तलाई देख्न सकिन्छ।
मोहन नेपालीको स्वर रहेको गीतमा शब्द प्रमोद ढुंगानाको छ भने संगीत अर्जुन पोखरेलको छ।
ज्ञानेन्द्र देउजा निर्देशित फिल्ममा मुकुन भुषाल, तेज गिरी, समर्पणजंग कार्की, सुष्मा कार्की, अंशु महर्जन, आशा भुुषाललगायत कलाकारको पनि अभिनय छ। अभिनेत्री थापाका श्रीमान् बलराम शाही ठकुरी कार्यकारी निर्माता रहेको फिल्मका निर्माता सुलभ प्रतिक र समीक्षा देउजा हुन्।
रेखा फिल्म्स र कपनगढी फिल्म्सको ब्यानरमा निर्माण भएको फिल्ममा विष्णु कल्पित घिमिरेको छायांकन, अर्जुन पोखरेल र बाबुल गिरीको संगीत, मित्र डि गुरुङको सम्पादन, सुलक्षण भारतीको कथा, भारतीका साथै अभिमन्यू निरवी र माधव शर्माको पटकथा तथा संवाद, अनुपम गौतमको भिएफएक्स र रोशन श्रेष्ठको द्वन्द्व निर्देशन छ।
