भारतीय गायिका सञ्जिवनी र गायक राज सिग्देलको स्वरमा नयाँ गीत सार्वजनिक भएको छ।
म्युजिक नेपाल युट्युब च्यानलमार्फत 'लुट्यौ तिमीले' बोलको गीत सार्वजनिक गरिएको हो। सार्वजनिक गीतको भिडिओमा केकी अधिकारी र बुद्धि तामाङलाई देख्न सकिन्छ।
नरेश विक्रम नेम्वाङको शब्द रहेको गीतमा शिखर सन्तोषले संगीत भरेका छन्। गीतलाई निकेश खड्काले निर्देशन गरेका हुन्।
उत्तम हुमागाईंले छायांकन गरेको म्युजिक भिडिओलाई विकाश धमलाले सम्पादन गरेका छन्।
