वरिष्ठ मुटुरोग विशेषज्ञ डा. अवनिभूषण उपाध्यायको ‘मान्छेको मुटु’नामक पुस्तक लोकार्पण भएको छ।
आइतबार एक कार्यक्रमबीच नेपाल कार्डियाक सोसाइटीका अध्यक्ष रत्नमणी गजुरेल र नेपाल हृदयरोग निवारण संस्थाका अध्यक्ष सत्यनारायण सुवालले सार्वजनिक रूपमा पुस्तकको लोकार्पण गरेका हुन्।
कार्यक्रममा नेपाल कार्डियाक सोसाइटीका अध्यक्ष प्राडा गजुरेलले पुस्तकमा मुटुको डाक्टर भएर मान्छेको मुटुलाई साहित्यमार्फत प्रस्फुटन गर्ने काम उत्कृष्ट भएको बताए।
नेपाल हृदयरोग निवारण संस्थाका अध्यक्ष सुवालले पुस्तकमा स्वास्थ्य नीति, पैरवी, स्वास्थ्यका जल्दाबल्दा समस्यालाई उल्लेख गरिएको बताए।
पुस्तकका लेखक डा उपाध्यायले बिरामीले औषधी किनेर नखाएपछि हृयदयाघात भएर मृत्यु भएको विषयलाई उल्लेख गरेको भन्दै पुस्तकमा भावनात्मक, आध्यात्मिक कुरा उल्लेख गरिएको बताए। उनले मन र मुटुबिच सम्बन्ध हुने विषय पनि पुस्तकमा समेटिएको जानकारी दिए।
