लेखक मञ्जुश्री थापाको उपन्यास 'एक्लै एक्लै' बजारमा आउँदैछ। यो उपन्यास थापाले अंग्रेजीमा लेखेको 'अल अफ अस इन आवर वोन लाइभ्स' को नेपाली अनुवाद हो।
यसलाई उज्ज्वल प्रसाईंले नेपालीमा अनुवाद गरेका हुन्। सांग्रिला प्रकाशन गृहको यो किताब शुक्रबार आधिकारिक रूपमा विमोचन हुँदैछ।
उपन्यास अन्तर्राष्ट्रिय सहायता र नेपाली महिला-पुरुषको जीवनमाथि घुमेको छ।
क्यानेडियन वकिल आभा बेर्रिडेन आफ्नो जागिर छाडेर नेपाल आउँछिन्। उनले नेपाल रोज्नुको कारण उनी जन्मले नेपाली नै हुन्। उनलाई नेपालको अनाथालयबाट एक क्यानेडियन जोडीले लगेर हुर्काएका हुन्छन्।
नेपाल आएपछि आभा अन्तर्राष्ट्रिय दातृ संस्थामा नयाँ करिअर सुरू गर्छिन्। अनि त्यही कामको माध्यमबाट आफ्नो जन्म मुलुकसँग नयाँ सम्बन्ध खोजी गर्न थाल्छिन्।
मञ्जुश्रीले अंग्रेजीमा लेखेको उपन्यासलाई नेपालीभाषी पाठकसम्म ल्याउने प्रसाईं आफैं पनि लेखक हुन्। किताब लेखन र अनुवाद प्रक्रियाबारे उनीहरूले सेतोपाटीमा आएर कुराकानी गरेका छन्।
हेर्नुहोस् मञ्जुश्री थापा र उज्ज्वल प्रसाईंबीचको कुराकानीः
