दक्षिण भारतीय अभिनेत्री कीर्ति सुरेशले विवाह गरेकी छन्।
भारतीय सञ्चारमाध्यम नवभारत टाइम्सका अनुसार उनले बिहीबार प्रेमी एन्टनी थाटिलसँग विवाह गरेकी हुन्। उनीहरू १५ वर्षदेखि प्रेम सम्बन्धमा थिए। एन्टनी थाटिल पेसाले व्यवसायी हुन्।
कीर्तिले 'कल्कि २८९८ एडी' मा रोबोट बुज्जीको आवाज दिएकी थिइन्। अब उनी वरूण धवनसँग 'बेबी जोन' मा देखिने छिन्। यो उनको बलिउड डेब्यू फिल्म हो। 'बेबी जोन' तमिल फिल्म 'थेरी' बाट प्रेरित छ।
कीर्ति पछिल्लो समय सुमन कुमार निर्देशित तमिल फिल्म 'रघु थाथा' मा देखिएकी थिइन्।
