यतिबेला दक्षिण भारतीय अभिनेत्री रश्मिका मन्दना अभिनीत फिल्म 'पुष्पा २' हलमा प्रदर्शन भइरहेको छ।
फिल्ममा रश्मिकाले श्रीवल्लीको भूमिका निर्वाह गरेकी छन्। उनको भूमिकालाई दर्शकले रूचाइरहेका छन्। यसैबीच रश्मिका मन्दनाको आगामी फिल्म 'द गर्लफ्रेन्ड' को टिजर सार्वजनिक गरिएको छ।
सोमबार गीता आर्टस युट्युब च्यानलमार्फत फिल्मको टिजर सार्वजनिक गरिएको हो। सार्वजनिक टिजरमा रश्मिकालाई एक कलेजको विद्यार्थीको भूमिकामा देख्न सकिन्छ।
राहुल रविन्द्रनले निर्देशन गरेको फिल्ममा रश्मिकासँगै अभिनेता दक्षित शेट्टीको मुख्य भूमिका रहनेछ।
यो एक प्यान इन्डिया फिल्म हुनेछ। जुन हिन्दी, तेलुगु, तमिल, मलयालम, कन्नड भाषामा रिलिज हुनेछ।
