बलिउड अभिनेता वरूण धवनको फिल्म 'बेबी जोन' को गीत सार्वजनिक भएको छ।
सोमबार जियो स्टूडिओ युट्युब च्यानलमार्फत फिल्ममा समावेश 'नैन मटक्का' बोलको गीत सार्वजनिक भएको हो। सार्वजनिक गीतमा वरूण धवन र किर्ति सुरेशलाई देख्न सकिन्छ।
दिलजीत दोसाँझ र धीको स्वर रहेको गीतमा इर्शद कमिलको शब्द र थमन एसको संगीत छ।
कलीस निर्देशित फिल्ममा वरूण धवन, किर्ति सुरेश, वामिका गब्बी, ज्याकी श्राफलगायत कलाकारको अभिनय छ। फिल्ममा वरूण पहिलो पटक पुलिस अफिसरको भूमिकामा देखिएका छन्।
यो फिल्म २५ डिसेम्बरदेखि सिनेमा हलमा प्रदर्शन हुनेछ।
