बलिउड अभिनेत्री सुस्मिता सेनको अभिनय रहने वेब सिरिज 'आर्या ३' को छायांकन सुरू भएको छ।
उनले सामाजिक सञ्जालमा एक भिडिओ सेयर गर्दै सिरिजको छायांकन सुरू भएको जानकारी दिएकी हुन्।
‘उनी फर्किइन्, उनी मतलब व्यवसाय। आर्या ३ को छायांकन सुरू भयो। छिट्टै प्लस हटस्टारमा रिलिज हुनेछ,’ उनले लेखेकी छन्।
उक्त भिडिओमा उनी चुरोट पिइरहेकी छन्। उनको लुक सार्वजनिक भएपछि दर्शकले प्रसंशा गरिरहेका छन्।
यो सिरिजको प्रदर्शन मिति सार्वजनिक गरिएको छैन।
सुस्मिताले २०२० मा ‘आर्या’ वेब सिरिजबाट ओटिटीमा डेब्यू गरेकी थिइन्। यस सिरिजलाई दर्शकले रूचाएसँगै तेस्रो सिजन निर्माण गरिएको हो। सुस्मितासँगै सिरिजमा सिकन्दर खेरको मुख्य भूमिका छ।
सुस्मिता आगामी फिल्म ‘ताली’ मा देखिनेछन्। फिल्ममा उनी पारलैंगिक भूमिकामा देखिने छिन्।
