साम्प्रादायिक घृणालाई प्रश्रय दिने आपत्तिजनक भिडियो पोस्ट गरेको आरोपमा भारतको मुम्बई साइबर पुलिसले विवादित अभिनेता अजाज खानलाई पक्राउ गरेको छ।
प्रहरीमा केहि भिडियोसहित ती अभिनेताविरूद्ध उजुरी परेपछि उनलाई पक्राउ गरिएको प्रहरीले जनाएको छ।
'भिडियोमा मुख्यरूपमले धर्मको आधारमा विभिन्न समूहबीच दुश्मनीलाई बढावा दिने आशयले ती भिडियो बनाइएको र अपलोड गरिएको पाइएको छ', प्रहरी प्रवक्ताले भने।
अजाजले पोस्ट गरेको सो भिडियो सामाजिक संजालहरूमा भाइरल भएको थियो। उनलाई प्रहरीले बुधबार गिरफ्तार गरेको हो। सो प्रकरणमा हाल जाँच चलिरहेको प्रहरीले जनाएको छ।
अजाजमाथि भारतीय दण्ड संहिता तथा आईटी अधिनियमका धारा अन्तरगत आरोप तय गरिएको छ। ती धाराहरू अनुसारको दोषी पाइएमा अजाजलाई पाँच वर्षको जेल वा ५ लाख बराबर जरिमानाको सजाय हुनसक्छ।
विग बोसमा सहभागी भएपछि दर्शकमाझ चर्चित बनेका अजाज त्यसयता विभिन्न मामिलामा विवादित हुँदै आएका छन्। गत वर्षपनि उनी लागूऔषध राखेको आरोपमा पक्राउ परेका थिए।