बलिउड अभिनेत्री दिशा पटानी सलमान खानको सिनेमा 'भारत'का कारण चर्चामा आइन्। सलमानलाई उमेर भइसकेको भन्ने बयानका कारण एउटा चर्चा बटुलेकी त थिइन नै उनी फेरि अर्को कारणले चर्चामा छिन्।
सिनेमामा मुख्य अभिनेत्रीको भूमिकामा क्याटरिना कैफले काम गरेकी छन्। क्याटटिना सिनेमामा भए पनि यी दुबै अभिनेत्रीले एकसाथ स्क्रिन साट्ने मौका भने पाएनन्। यसले गर्दा उनी निराश छिन्।
दुबैको एकसाथमा दृश्य नभएपछि सिनेमाको सुटिङ तालिका फरक हुने नै भयो। यसरी तालिका फरक हुँदा क्याटरिनालाई भेट्न नपाएको दिशा निराश भएकी हुन्। हुनपनि एउटै सिनेमामा काम गर्नु अनि आफूलाई मनपर्ने अभिनेत्रीलाई भेट्न नपाउनु आफैमा दुखद् कुरा हो। यस्तोमा निराश हुनु स्वभाविक नै हो।
दिशाका अनुसार उनी क्याटरिनाकी एकदमै ठूलो प्रशंसक हुन्।
केहि समय अगाडी उनले सलमान खानसँग अब कहिले पनि सिनेमा गर्न नपाउने भन्दै दुःख मनाउ गरेकी थिइन्। उनले सलमानको उमेर भइसकेकाले अब फेरि मौका नपाउने बताएकी थिइन्। उनको यो उमेर भइसकेको भन्ने दिशाको भनाइले सलमान भने खुशी देखिएनन्। यस भनाइको सलमानले तिखो जवाफ फर्काए।
'म १७ वर्ष कान्छीसँग फिल्म गरिरहेको छु', सलमानको दिशालाई जवाफ थियो।
