निर्माता निर्देशक राम गोपाल वर्मालाई तेलेगु सिनेमा ‘लक्ष्मीज एनटिआर’को प्रचारमा प्रतिबन्ध लगाइएको छ। उनलाई विजयवाडा प्रवेशमा प्रतिबन्ध लगाइएको हो।
सिनेमाको प्रचारका लागि विजयवाडा पुगेका वर्मालाई स्थानिय प्रहरीले कुनै कारण नबताई हैदराबाद पठाइदिएको छ। ट्वीट गर्दै वर्माले घटनाप्रति खेद प्रकट गरेका छन्।
‘तपाईंहरूलाई साँझ ४ बजे हुने पत्रकार सम्मेलन रद्ध गरिएको जानकारी गराउँदा हामीलाई दुःख लागेको छ। किनकी पुलिस प्रशासनले हामीलाई रोके। पुलिसले विजयवाडामा मेरो प्रवेशलाई पनि रोक लगाएको छ र मलाई जबरजस्ती हैदराबाद पठाइएको छ’, ट्वीटमा उनले लेखेका छन्।
पछि उनले ‘लोकतन्त्र कहाँ छ? सत्यलाई किन दवाईदैछ’, उनले सोधेका छन्।
‘लक्ष्मीज एनटिआर’ तेलेगु देशम पार्टीका संस्तापक तथा पूर्व मूख्यमन्त्री एनटी रामा रावको जीवनीमा आधारित रहेको छ।
सिनेमामा ती घटनाको चित्रण गरिएको छ, जतिबेला एनटीआरका ज्वाईंले सो पार्टीभित्र विद्रोह गरेका थिए। सो घटनापछि एनटिआरले मूख्यमन्त्री पदबाट राजिनामा दिनुपरेको थियो।
सिनेमा १ मई मा रिलिज हुँदैछ।