बलिउडमा स्लिपर हिट बनेको आयुष्मान खुर्राना तथा तब्बु स्टारर ‘अन्धाधुन’ले ३०० करोड भारूको कमाइ पार गरेको छ।
यस कमाइसँगै सिनेमाले अर्को एक रेकर्डसमेत तोडेको छ।
हालै चीनमा रिलिज भएको सिनेमाले यसअघि चीनियाँ वक्सअफिसमा व्यापारको मामिलामा सलमान खान अभिनित ‘बंजरंगी भाईजान’लाई पछारेको छ। यस सूचिमा आमिर खानको ‘दंगल’ र सेक्रेट सुपरस्टार’ क्रमशः पहिलो र दोश्रो स्थानमा रहेका छन्।
चीनमा ‘अन्धाधुन’ ‘पियानो प्लेयर’नाममा रिलिज भएको थियो। गत वर्ष बारतमा रिलिज भएको सिनेमाले घरेलु वक्सअफिसमा पनि सय करोड भारूको आँकडा पार गरेको थियो।