आफ्नी छोरी न्यासा देवगनलाई कहिले डेब्यू गराउनुहुन्छ भन्ने प्रश्न सोधिएपछि बलिउड अभिनेत्री काजोलले त्यसमा कडा प्रतिक्रिया जनाएकी छिन्।
उनले मिडिया तथा अरूलाई आफ्नी छोरीबाट दुरी बनाउनुपर्ने र ठाउँ दिनुपर्ने बताएकी छन्।
शनिबार दादासाहेब फाल्के पुरस्कार ग्रहण गर्न गएकी काजोलले उस्थित पत्रकारहरूसँगको साक्षात्कारमा छोरीको डेब्यूलाई लिएर प्रश्न सोधिएपछि उनले कडा प्रतिक्रिया दिएकी हुन्।
'अहिले ऊ मात्र १६ वर्षकी छ। मेरो बिचारमा तपाईहरू(मिडिया)ले ऊ बाट पर बस्नुपर्छ र उसलाई ठाउँ छोडीदिनुपर्छ। भर्खरै त १६ औं जन्मदिन माएकी छ। अहिले १० कक्षामा छिन् र आफ्नो परिक्षाको तयारी गर्दैछिन्’, काजोलले भनिन्।