बलिउड सिनेमा 'उरी: द सर्जिकल स्ट्राइक'ले विश्वव्यापीरूपमा गतिलो उपस्थिति जनाएको छ। २ सय करोड भारूको कमाइ गरेको सिनेमाको वर्तमान व्यापर रफ्तारले उसको अर्को कमाइ गन्तव्य २५० करोड भएको देखाएको छ।
साल २०१९ को पहिलो बलिउड सुपरहिट बनेको यस सिनेमाले भारतिय वक्सअफिसमा १६४.१० करोड भारू नेट कमाइ गरेको छ। भारतिय डायस्पोरामा सिनेमाले ३५ करोड ग्रस कमाइ गरेको छ।
यो कमाइसँगै सिनेमाले 'ट्यूबलाइट', 'बधाई हो बधाई', 'रूस्तम', 'एम.एस धोनी-द अनटोल्ड स्टोरी', 'जुडुवा २' जस्ता सिनेमाको कमाइलाई उछिनेको छ। यी सिनेमाहरूले क्रमश: २२३.२४ , २१८.८२, २१८.८०, २१७, २१६.६१ करोड भारू कमाएका थिए।
सिनेमाले छिट्टै अक्षय कुमार अभिनित 'एयरलिफ्ट' तथा शाहरूख खानको 'जब तक है जान'को २३१.६९ र २४१ करोड भारूको कमाइलाई पनि पार गर्ने बताइएको छ।
भारतिय संचारमाध्यमले सिनेमाको कुल कमाइ कुन बिन्दुमा रोकिनेछ भनेर अहिल्ये भन्नु हतारो हुने जनाएका छन्।
विक्की कौशल, यमी गौतम, कीर्ति कुलहारी तथा परेश रावलको प्रमुख अबिनय रहेको सिनेमा सन् २०१६ मा भारतिय सेनाले पाकिस्तानी विरूद्ध आफ्ना सेना मारिएपछि गरेको जवाफी कार्वाहीमा आधारित रहेको छ।