यस वर्ष बलिउड वक्सअफिसमा दुई सुपरस्टारहरू क्रमश: अक्षय कुमार तथा अजय देवगनको प्रतिष्पर्धा देखिने भएको छ। दुबै अभिनेताको यस वर्ष एक भन्दा बढि सिनेमा रिलिज हुँदैछ।
यस प्रतिष्पर्दामा हाल अक्षय पैसा कमाइदिने अभिनेताका रूपमा बलियो देखिएका छन्। गत वर्ष अक्षयका 'प्याडम्यान', 'गोल्ड' तथा '२.०' रिलिज भए जसमा तीनै सिनेमाले पैसा कमाए। यस वर्ष उनी अभिनित पाँच सिनेमा रिलिज हुँदैछन्। यसमा 'केशरी', 'मिसन मंगल', 'गुड न्यूज', 'हाउसफुल ४' र 'सूर्यवंशी' रहेका छन्।
त्यसैगरी अजयका तीन सिनेमा यस वर्ष रिलिज हुनेछन्। 'टोटल धमाल', 'दे दे प्यार दे' र 'तनहाजी' यस वर्ष रिलिज हुँदैछन्। दुई स्टारका ८ सिनेमाको रिलिजलाई लिएर बलिउड उत्साहित रहेको छ। यी सबै सिनेमाले वक्सअफिसमा सफलता प्राप्त गर्ने अनुमान गरिएको छ।