बलिउड अभिनेता विक्की कौशल स्टारर 'उरी:द सर्जिकल स्ट्राइक' साल २०१९ को पहिलो हिट सिनेमा बनेको छ। सुरूवाती सप्ताहन्तमा ३५.७३ करोड भारू कमाइ गर्दै सिनेमाले आफूलाई हिट बनाएको हो।
आदित्य धार निर्देशित सिनेमाले वक्सअफिसमा गतिलो प्रदर्शन गरिरहेको भारतीय संचारमाध्यमले जनाएका छन्।
रिलिजको तेश्रो दिन १५.१० करोड कमाएको बलिउड व्यापार विश्लेष्क तरन आदर्शले आफ्नो ट्वीटमा जनाएका छन्। उनका अनुसार शुक्रबार ८.२० करोड कमाइ गरेको सिनेमाले शनिबार त्यसमा बढोत्तरी गर्दे १२.४३ करोड भारू कमाएको उनले उल्लेख गरेका छन्।
यो कमाइ भारतको घरेलु वक्सअफिसको हो। समिक्षकहरूले पनि सिनेमालाई राम्रो भनेका छन्।
उरीले सोहि दिन रिलिज भएको पूर्व भारतिय प्रधानमन्त्री डा. मनमोहन सिंहको वायोपिक सिनेमा 'द एक्सिडेन्टल प्राइममिनिस्टर'लाई गतिलो टक्कर दिइरहेको छ।
