तेलेगु सुपरस्टार प्रभासले सन् २००० मा 'एश्वर' सिनेमाबाट डेब्यू गर्दै आफ्नो सिनेमा यात्रा सुरू गरेका थिए। सन् २०१५ मा रिलिज भएको 'बाहुबली' सिनेमाले उनलाई भारतभर र भारतीय सिनेमाका पारखी दर्शकहरूमाझ बृहत चर्चा दिलायो।
आज यी अभिनेतासँग करिब १९६.३५ करोड भारू बराबरको सम्पति छ भने वार्षिकरूपमा उनको कमाइ ४५ करोड छ। बाहुबलीपछिको चर्चाले गर्दा उनको चर्चा १० गुना बढेको त छँदैछ, यससँगै उनको पारिश्रमिक पनि प्रति सिनेमा २५ करोड पुगेको छ। विज्ञापन खेलेर उनले ३० करोड कमाइ गर्ने गर्छन्।
चर्चा र कमाइको बढोत्तरीसँगै उनले केहि महँगा र विलासी सामानहरू पनि जोडेका छन्। उनले महँगा गाडी, बाइक तथा मध्य हैदरबादमा फार्म हाउससमेत छ।
उनै अभिनेतासँग रहेका पाँच महँगा बस्तुहरू यस्ता छन्:
बिएमचब्लु एक्स ३- ६८ लाख भारू
जीमखान- झण्डै डेढ करोड भारू। ('बाहुबली' निर्माण पक्षले सिनेमाका लागि व्याम गर्नलाई उपहार दिएको)
जगुवार एक्सजेआर- २.०८ करोड
रोल्स रोयस गाडी- ८ करोड भारू
हैदरबाद फार्म हाउस: ६० करोड
प्रभाससँग भएको ८ करोड भारू मूल्य बराबारको रोल्स रोय गाडी बलिउड सुपरस्टार शाहरुखा तथा अमिताभ बच्चनसँग भएको भन्दा पनि महँगो गाडी हो।
उनको यस वर्ष रिलिज हुने 'साहो' ३०० करोडको ठूलो बजेटमा बनेको सिनेमा हो जसमा उनले पारिश्रमिक बापत ३० करोड भारू बुझेका छन्। सिनेमा अगस्ट १५ मा रिलिज हुनेछ।