'केदारनाथ'बाट बलिउडमा न्यानो डेब्यू पाएकी सैफ अलि खान तथा अमृता सिह पुत्री सारा अलि खानको रणवीरसँग जोडी बाँधेर 'सिम्बा'बाट फेरि आउँदैछिन्।
धेरैलाई लाग्न सक्छ साराई यस सिनेमाका लागि प्रस्ताव गरिएको हो। तर सत्य यो होइन। रोहित शेट्टी निर्देशित सिनेमाका लागि निर्माणपक्षले नभइ सारा स्वयमंले आफूलाई प्रस्ताव गरेकी थिइन्। हाले दिएको एक अन्तरवार्तामा यस कुराको खुलासा भएको हो।
'म रोहित सर को ठूलो प्रशंसक हुँ। म उहाँको विविधताबाट प्रेरित छु र यो साँच्चै हो। मैले रोहित सरलाई ३ पटक एसएमएस गरेको थिएँ। तेश्रोपटकमा मात्र उहाँले जवाफ फर्काउनुभयो। मेरो विचारमा व्यवसायिक सिनेमाको राजा हो रोहित सर', साराले भनिन्, 'रोहिर सर र रणवीरसँगै आउने थाहा पाएपछि मैले आफै भन्नै पर्यो।'
रोहितले पनि सो कुरामा सहमति जनाए।
उनले भने, 'हामी कसेले सारालाई खोजेको हैन्। उनी आफै सिनेमा खेल्छु भनेर आएकी हुन्। पटक-पटक एसएमएस गरेर उनले मेरो दिमाग खाइसकेकी थिइन्। सिनेमा उनी अभिषेक कपुरका (केदारनाथका निर्देशक) कारण जोडिएकी हुन्। उसले मलाई फोन गरेर सारालाई काम गराउन भन्यो। उसैले अगाडी सरेर मलाई 'केदारनाथ' फुटेज देखाए। त्यो हेरेर सारालाई बोलाए।'
सिनेमा डिसेम्बर ७ मा रिलिज हुँदैछ।