बलिउड अभिनेता रणवीर सिंह तथा दीपिका पादुकोणले करिब ६ वर्ष अगाडीबाट सुरू भएको प्रेमको सम्बन्धलाई यसै वर्ष पति-पत्नीको सम्बन्धमा परिणत गरे।
हाल दुबै एकअर्कासँग खुशी छन् र जीवनको नयाँ सम्बन्ध नयाँ अध्यायलाई अगाडी बढाइरहेका छन्। यो नवविवाहिता जोडी फिल्मफेयरलाई हालै दिएको एक अन्तरवार्तामा एकअर्काको प्रेमसम्बन्धका बारेमा राम्रै गरी खुले। सो क्रममा दीपिकाले रणविरको बारेमा नयाँ खुलासा गरिन्।
दीपिकाका अनुसार यशराज स्टुडियोमा भएको पहिलो भेटका समयमा रणवीर एउटा प्रेम सम्बन्धमा थिए तर त्यस्तो हुँदाहुँदै पनि दीपिकासँग उनले फ्ल्ट गर्न भ्याइहाले।
'म यसराज स्टुडियोमा थिएँ, ऊ पनि त्यहि थियो। उनले मसँग आफू प्रेमहुँदाहुँदै मसँग फ्ल्ट गरे मानौ केहि भएको छैन्। म स्वयमलाई हेरेर हाँसे', दीपिकाले भनिन्।
उनले रणविरलाई त्यतिबेलै 'मसँग फ्ल्ट गर्दै छौं हो?' भनेर सोधिन्।
यस्तै सो अन्तरवार्तामा उनले आफूहरूले कसरी डेटिङ सुरू गरियो भन्नेबारेमा बताइन्। उनले थुप्रैपटक रणविरसँग डेटिङमा गएको पनि जनाइन्।
उनले सो क्रममा संजय लिला भन्सालीको घरमा भएको लन्च विशेष रहेको उल्लेख गरिन्।
'संजय सरले हामीलाई लन्चका लागि घरमा बोलाउनुभएको थियो। हामी खाना खाँदै थियौं र एउटा गँगटाको टुक्रा मेरो दाँतमा अड्कियो। रणविर मलाई अप्ठ्यारोमा पार्न चाहन्थ्यो। अनि उसले मलाई गँगटा दाँतमा अड्किएको छ भन्यो र मैले निकालीदेउन त भने। त्यो क्षण हामी तीन जना कहिले पनि बिर्सने छैनौं?',दीपिकाले सम्झिइन्।