गत वर्ष टेलिभिजनको कम्ब्याक असफल भएका कपिल शर्मा फेरि एकपटक टेलिभिजनको पर्दामा दर्शक हँसाउन आउँदैछन्।
उनको ' द कपिल शर्मा शो' डिसेम्बर २९ बाट प्रसारण हुँदैछ। सो कार्यक्रमको टिजर सार्वजनिक भएको छ। करिब ३० सेकेण्डको टिजरमा रिलिजका क्रममा रहेको 'सिम्बा' सिनेमाका स्टारहरू रणविर सिंह, सारा अलि खान तथा निर्देशक रोहित शेट्टी अतिथि बनेका छन्।
टिजरले कपिल फेरि पुरानै लयमा फर्किने प्रयासमा रहेको देखाएको छ।
यसपटकको शोमा कपिललाई किकु शारदा, सुमोना चक्रवर्ती, भारती सिहं तथा चन्दन प्रभाकरसाथ दिनेछन् भने नयाँ सदस्यका रूपमा कृष्णा अभिषेक पनि शोमा देखिनेछन्।