आलिया भट्का पिता महेश भट्टे आफ्नी छोरी तथा अभिनेता रणवीर कपुरबीच प्रेम रहेको स्वीकार गरेका छन्।
'द टेलिग्राफ'लाई दिएको एक लामो अन्तरवार्तामा उनले सो कुरा बताएका हुन्।
'हो उनीहरू प्रेममा छन्। त्यो कुरा थाहा पाउनलाई तपाईं त्यस्तो 'जिनियस' हुनुपर्दैन', उनले भने।
त्यसैगरी उनलाई आलियालाई कुनै सुझाव दिनुहुन्छ? भनेर सोधिएको प्रश्नमा उनले कुनै सुझाव दिन अस्विकार गरे। उनले आफू जवान हुँदा कहिले पनि कसैको सल्लाह-सुझाव नलिएको बताउँदै जो कुनै युवाले आफ्नो हितमा चनाखो हुन बुद्धिमत्तता आफैमा हुनपर्ने जवाफ दिए।
यस्तै बिबाह गर्ने नगर्ने निर्णय पनि आलिया र रणविरको हुने बताए।
महेशले उनीहरूको सम्बन्ध रहेको स्वीकार गरेपनि रणविर र आलियाले खुलेर भने आफ्नो सम्बन्धलाई हो भनेका छैनन्।
एक अन्तरवार्तामा रणविरले आफू र आलियाको सम्बन्धको बारेमा चर्चा गरेपछि उनीहरू प्रेममा रहेको संकेत मिलेको थियो।
थुप्रै तस्विर र अवसरहरूमा उनीहरूले एकसाथ पोस्ट गर्ने तस्विर र भिडियोहरूले उनीहरूको प्रेम रहेको देखिइरहेको छ।