डिसेम्बर २१ मा रिलिज हुने 'केजिएफ' सिनेमाको प्रि-रिलिजमा बाहुबली फेम निर्देशक एस. राजामौलीले एक आश्चर्यजनक खुलासा गरेका छन्।
सो खुलासा उनले 'केजिएफ' स्टार यशको बारेमा गरेका हुन्। सो सिनेमाको 'प्रिरिलिज' समारोहमा उनले यशको नभई एउटा यस्तो खुलासा गरे, जसको भिडियो अहिले भारतमा भाइर बनेको 'हिन्दुस्तान टाइम्स' आफ्नो अनलाइन संस्करणमा लेखेको छ।
सो समारोहमा राजमौलीले यशका पिताले अझै बस ड्राइभरी गरिरहेको खुलासा गरेका हुन्।
'यश एक ड्राइभरका छोरा हुन् र त्यो सुनेर म चकित छु', उनले भने, ' मलाई यो पनि बताइएको छ की यशका पिता आज पनि सोही काम गरिरहेका छन्। उनी आफ्नो पेसा कारणले नै आफ्नो छोरालाई आज स्टार हुन सघाएको मान्दछन्। मेरा लागि यशभन्दा पनि यशका बाबु वास्तविक स्टार हुन्।'
'केजिएफ' सन् ८० को दशकको परिदृश्यमा भनिएको ग्याङ्स्टर सिनेमा हो।
सिनेमाको दुई वटा ट्रेलर रिलिज भइसकेको छन्। ती ट्रेलरले दर्शकहरूको मन जितिसकेको छ र उनीहरूलाई सिनेमाका लागि व्यग्र बनाइदिएको छ।
सिनेमाले शाहरुखको 'जिरो'लाई कडा टक्कर दिने अनुमान गरिएको छ।
यसलाई कन्नड भाषाको सर्वाधिक महँगो बजेट भएको सिनेमा मानिएको छ। सिनेमा दुई भागमा रिलिज हुनेछ।
त्यस्तै कार्यक्रममा राजामौलीले सिनेमाको फुटेज हेरेर आफ्नो होश उडेको समेत बताए।
'म केहिसमय अघिसम्म आरआरआर सिनेमाको सल्लाहको लागि बैगलोरमा थिएँ। यश पनि सोही होटलमा थिए। उनीहरूले मलाई सिनेमाको केहि फुटेजहरू देखाए र तीनले मेरो होश उडाए', राजामैलीले भने 'त्यसपछि मैले तत्कालै मैले बाबुबली सिनेमाका वितरक अनिल थडानीलाई फोन गरेर सिनेमालाई के गर्न सकिन्छ सहयोग गर्नुस् भने। मैले निर्माता साइ कोरापतीलाई पनि फोन गरेर केहि गर्न भनेको छु।'
केजिएफलाई प्रशान्त निलले निर्देशन गरेका हुन्।