लैंगिक अल्पसंख्यक समुदाय विरूद्ध गैरमर्यादित टिप्पणी गरेको भन्दै बलिउड कलाकार कमाल रसिद खान(केआरके) विरूद्ध प्रहरीले उजुरी दर्ता गरेको छ।
उनले आफ्नो यूट्यूब च्यानलमा गैरमर्यादित टिप्पणी गरेका थिए। सो भिडियोलाई हालसम्म २.८३ लाख पटक हेरिसकिएको छ। उनले सो भिडियो भारतको सर्वोच्च अदालतले समलैगिंक यौनसम्बन्ध अवैध नहुने ठहर गरेको भोलिपल्ट यूट्यूबमा हालेका थिए।
केआरकेका विरूद्ध १९ वर्षिय विद्यार्ती उज्वल कृष्नामले बडोदराको स्थानिय प्रहरी चौकीमा उजुरी दर्ता गराएका थिए। उनले केआरके विरूद्ध कानुनी कार्वाहीको माग गरेका छन्। उनले प्रयोग गरेको भाषा समलैगिंक समुदायविरूद्ध अपमानजनक रहेको आरोपमा दाबी गरेका छन्।
उनी विरूद्ध शुक्रबार मुम्बईस्थित बान्द्रा प्रहरी चौकीले गुजरात प्रहरीको समन्वयमा उजुरी दर्ता भएको हो। प्रहरीले उनी विरूद्ध अश्लिलता, साम्प्रदायिक्तामा खलल पुर्याउने, घृणा र द्वेश तथा मानहानी अन्तरगत उजुरी दर्ता गराएको छ।
