क्याटरिना कैफले अब आइन्दा 'जिरो' जस्तो सिनेमामा अभिनय नगर्ने बताएकी छन्।
क्याटरिनाले यस्तो कुनै मनमुटाबका कारण नभई आफ्नो भूमिकाका कारण भनेकी हुन्।
'काम प्रेरणादायी र चुनौतीपूर्ण थियो तर व्यक्तिगतरूपमा त्यो रमाइलो ठाउँ थिएन', उनले भनिन्, 'हप्ता-दशदिनको सुटिङपछि ब्रेक लिएर जब म सेटमा फर्किन्थे तब म आनन्द सर(सिनेमाका निर्देशक)लाई बबिताको आउने अप्रिय ठाउँमा जान चाँहदिन भन्थे।'
सिनेमामा उनले बबिता नामक पात्रका रूपमा नकारात्मक भूमिका गरेकी छन्। सो भूमिका गर्दा उनलाई नरमाइलो लागिरहेको थियो त्यसैले उनलाई त्यो भूमिका गर्न नपरे हुन्थ्यो भन्ने लागेको हो।
क्याटरिनाले एक ट्याबलोइड पत्रिकालाई दिएको अन्तरवार्तामा सो कुराको खुलासा गरेकी हुन्।
सो अन्तरवार्तामा क्याटरिनाले आनन्दले टाउको हल्लाउँदै 'मलाई थाहा छ बच्चा तर तिमी गर' भन्ने गरेको पनि बताएकी छन्।
क्याटरिनाले सिनेमामा उनलाई अनुस्काले गरेको भूमिका गर्न इच्छा रहेको पनि खुलासा गरेकी छन्। तर आनन्द क्याटरिनालाई बबिताको भूमिकामा चाहन्थे।
डिसेम्बर २१ मा रिलिज हुने सिनेमामा उनीसँगै शाहरुख खान तथा अनुष्का शर्माले मूख्य भूमिकामा अभिनय गरेका छन्।