डिसेम्बर २१ मा रिलिज हुने शाहरूख खान अभिनित 'जिरो'लाई टक्कर दिने पूर्वाअनुमान गरिएको कन्नड सिनेमा 'केजिएफ'ले रिलिज मिति नजिकिदै गर्दा दोश्रो ट्रेलर रिलिज गरेको छ।
कन्नडसहित करिब ५ भाषामा सिनेमा रिलिज हुँदैछ। हिन्दीमा यस सिनेमालाई फरहान अख्तर र एक्सेल इन्टरटेन्मेनटले रिलिज गर्ने लागेका बलिउड फिल्मी पंडितहरूले समेत शाहरुखका लागि 'केजिएफ'ले सजिलो नपार्ने अनुमान गरेका छन्।
दुई भागमा रिलिज हुने यस फिल्ममा कन्नड सिनेमाका सुपर स्टार यश प्रमुख भूमिकामा रहेका छन्।
यस अघि रिलिज गरिएको ट्रेलरलाई दर्शकहरूले अत्याधिक रूचाएको पाइएको छ।
हेर्नुस् 'केजिएफ'को दोश्रो ट्रेलरः
'केजिएफ' सिनेमाको पूरा नाम 'केजिएफ" कोलार गोल्ड फिल्ड' हो। सिनेमाले मुम्बईको सन् ७० र ८० को दशकको सुन खानीको परिदृश्यमा 'रक्की' नामक पात्रको केन्द्रमा कथा भनेको छ।
सिनेमालाई प्रशान्त निलले निर्देशन गरेका हुन्। शाहरूखका लागि यो सिनेमा एउटा खतरा हुनुमा यसलाई 'बाहुबली'सँग तुलना गरिनु एउटा हो भने निर्देशक अर्का कारण हुन्। सन् २०१४ मा डेब्यू सिनेमा 'उग्रम'बाट उनले बक्सअफिसमा आँधी ल्यादिएका थिए। समिक्षकले उनको आलोचना नै गरेनन।
सो सिनेमालाई सन् २०१४ सम्म बनेका कन्नड भाषाका सिनेमामध्येको सर्वोत्कृष्ट सिनेमा समेत भनियो।
'केजिएफ' बनाउन पनि ठूलो समय र मेहेनत लगाइएकाले पनि सिनेमालाई लिएर कौतुहलता छ। सिनेमा बनाउन करिब हजार दिन खर्च भएको छ। सुटिङमा करिब २०० दिन लागेको थियो भने बाँकी समय सिनेमाको तयारी र पोस्टप्रोडक्सनमा खर्च भएको बताइन्छ।
यस सिनेमा सो मितिमा रिलिज हुने अन्य सिनेमाका लागि टक्करको हुने कुरा सिनेमाका मूख्य अभिनेता यशको भनाइबाट अनुमान लाउन सकिन्छ। उनले आफ्नो सिनेमाको तुलना भारतिय सिनेमासँग नभइ हलिउड सिनेमासँग हुने बताइसकेका छन्।
